Take mighti broth of beef or of Capon, or take faire fressh brawne, and seth hit, but not ynow, And then leche hit, And cast hit into the broth; then take hole oynones, pike hem, and cast hem al hole there-to; then take Vynegre and Canell, and sette on the fire, and hete hem, and drawe hem thorgh a Streynoure, and cast hit there-to. Then take clowes, Maces, powder of peper, and cast there-to, and a litull Sawndres, And sette hit over the fyre and lete boyle til the oynones and the brawne ben even sodde, and not to moche; then take licour made of brede, vynegre, and wyn, and seson it uppe, and caste thereto a litl saferon to coloure hit, and salt, And serve it forth.
(BACK)